現時科學進步,生髮、植髮技術層出不同。但坊間大部份都唔會在網上寫明價錢,又或者網上寫$2888/10次,上到去卻話你唔適合,推介其他方法劏你,今日小編集合左現時的各大方法同價錢讓大家參考。以下都是港元計價,香港地區為準。

療程每次價錢需要次數效果
防脫洗頭水$100-$400/一支每日用
生髮藥水$400-$1000/一盒每日用
頭皮護理$600-$1500 一次每月1-2次★★
草本養髮/中醫育髮$600-$1800 一次每月1-2次★★
F8生髮療程免費/$1000 一次每星期一次
meso增髮注養$1980 – $3000一次4次-8次★★★☆
RGA生髮療程$3000-$18800一次8-50次★★★☆
幹細胞+微針射頻$2500-$5000一次8次-16次★★★★
植髮(人工纖維Biotech)每條$120-$150 2次 通常600-50000條★★★★☆
植髮(自己頭髮)每條$100-$2001次 通常600-5000條★★★★★

上面個表,只係比大家簡單睇,下面詳細講要注意既地方,風險。

防脫洗頭水

講明係防脫,唔洗期望有乜「生髮」效果,最主要都係Maro3D, alpecin(咖啡因洗髮露)呢D,輔助性質為主。中藥配方既一向大味,又冇臨床科學驗證,用過最好係日本scalp-d, $3XX一支,但佢成份最豐富,其次我推介Maro 17系列。要平D既就用maro 3D. alpecin效果麻麻,50惠比女人用為主。

生髮藥水

主要是倍健 Rogaine/Regaine,minoxidil 5%(男士用), minoxidil 2%(女士用)。原理是促進微血管血液循環,有助加強頭髮營養,但佢自己個盒都寫明,對M字位,轉角位,前額髮線冇效。有瘙癢、發炎的副作用,只能作副助性質。

頭皮護理

如果洗頭就可以解決脫髮,咁簡單就冇人脫髮了。頭皮護理其實主要是去角質,去除頭皮表面上污垢同細菌,同時做油脂平衡、解決敏感、頭皮屑,及加入一些營養。簡單講,頭皮護理就是令頭皮健康,同時加厚頭皮。因為科學已經證實,頭皮既厚度,同脫髮有直接關係。如果你有頭皮屑問題,很容易越變越薄而導致脫髮。另外頭油會令毛囊閉塞,也是導致脫髮的主因。基本上你做其他生髮療程前,也是需要做頭皮護理「打底」先。

頭皮護理的價錢,有平有貴,最平的我見過是$198, 但是廢的,連洗頭也沒有,只是用綿花+藥水幫你「卒」頭皮,根本不乾淨,完事後細菌、頭皮屑尚在。一般應該要$1000一次,一定有洗頭,有蒸氣機焗頭。而較貴既好多時會包埋激光增髮、臭氧儀器導入精華,這才是完整,有效果的頭皮護理。

草本養髮/中醫育髮

其實等同頭皮護理,只係用中醫角度,但其實主要都是去油、養頭皮。但我會偏向西方醫學的。因為中藥好臭。但感覺上中醫育髮處理白頭髮比較好。而性價比高,較推薦的有活髮社。

F8生髮療程

即是低劑量紅激光,主要是促進頭皮血液循環。最廢既療程,一些公司在頭皮護理送的療程,有一些黑店卻拆出來賣,或用免費療程吸你上去,然後hard sell及劏你。

F8生髮療程
Step 5應該正名為hard sell

meso增髮注養

通常用bellasonic導入,也有用微針(0.25mm)導入,比較治到本的療程。是beauskin的皇牌生髮療程,mesoestetic是西班牙牌子,而佢既 biotin 能有效針對脫髮主因-DHT, 95%人士的脫髮,也是由DHT引起。beauskin賣緊$2980一次,新客首次減$300. 而坊間價錢由$2000-$3800一次不等。通常做4次已經見到明顯效果。

RGA生髮療程

你上網搵,間間都寫唔到真正價錢出來。有些網站寫$18800一次體驗,效果持續2年。有些卻寫$280試做。抽取自生細胞及基質生長因子去注入少頭髮既部份刺激生長。和meso不同的是,meso是解決脫髮因子DHT同時增加營養,而RGA是犧牲頭皮其他頭皮地區的營養,做一個搬運。$280試做是假的,持續2年也不是做一次。我去過唔同地方問價,有些地方開出一百萬(港元) plan, 例如髮森(hair forest),其實是Dr reborn集團旗下。大體上基本要做12次,5萬-10萬走唔甩。另外仲要再做頭皮護理同其他野配合。

體驗價都要$18800, 價錢極度海鮮

幹細胞+微針射頻技術

比較新既技術。一般來說毛囊死了便只有植髮,而佢可以激活一些死了90% 的毛囊。幹細胞半身是萬能細胞,可以變做任何器官的細胞,包括頭髮。幹細胞原本是超貴的技術,而佢只係拎取其中一種頭髮生長因子,再配合埋微針射頻儀器,做一個更深層既導入(0.6mm-0.8mm)及微電流激活。同RGA生長因子有D似,但不同於RGA, RGA是從自身搬運,而這個幹細胞生長因子是外加,由實險室培植。配合微針射頻技術加強,另外佢亦混合埋抑制DHT既成份,所以效果比前兩者好。現時香港應該得bora hair 同中環幾間皮膚科診所有,性價比高的療程。

植髮(人工纖維Biotech)

最快見到效果,而且唔洗犧牲自己頭髮搬來搬去。這是髮森(hair forest)真正主打療程,RGA都係次要。即使你全個頭禿晒,都可以做。一般早期脫髮,少少M字額,植600條左右,如果是第3期脫髮,便要5000條起。通常第1次先植200條,睇下有沒有排斥,然後才正式開始。手術時間短,通常3-5小時完,而且復原期快,1個月便復原。缺點是有排斥可能,可能要長期服用抗生素; 及頭髮不會生長,不方便剪髮及難以更換髮型。5-7期脫髮最推薦這個。要留意佢既廣告圖,話做400條就好有效果,到你上去時佢最少sell多你一倍。一個正常人有9-15萬條頭髮,你自己都計到你個面積要幾多條先夠。

禿頭7大階段
禿頭7大階段

植髮(自己頭髮)

比人工纖維更好,始終是自己真頭髮,主要是把你後尾枕的頭髮,搬上前方。但是手術過程10小時,復原期要9個月,還要大量事後護理。只適合第4、第5階段禿頭。而6-7, 因為面積太大,覆蓋唔到。如果是早期脫髮,自己能生長,盡量用自己生長的模式。要注意移植的頭髮,有10-20%會掉失。另外移植後的9個月,要做大量保養工程,需要充足資金。主要分FUE同FUT, FUE比較新,逐個毛囊搬,手術時間長,價錢貴。FUT割頭皮,一塊塊搬,手術時間較短,價錢較便宣,適合大面積脫髮。由於頭皮多神經線,因此兩者在手術過程中也會產生劇痛。

FUE VS FUT 植髮
FUE FUT 植髮 後尾枕 傷口
植髮手術後的傷口

總結:

如果你是第一階段,好既頭皮護理已經足夠。如果你是第2或第3階段,推介mesoestetic biotin,如果是第3至第4階段,推介做幹細胞+微針射頻生髮,如果是第5階段,植髮(自己頭髮)最適合,第6和第7階段,植髮(人工纖維Biotech)是唯一選擇。

Facebook Comments Box

發佈留言

發佈留言必須填寫的電子郵件地址不會公開。 必填欄位標示為 *