陳茂波掉500億畀創科局係一種咩概念?

財政司司長陳茂波預留500億元用在創科，其中200億元用在落馬洲河套區港深創新及科技園. 而這河套區將來是比大陸人用，他們可以籍此任意出入香港

500億可以開設太空探索技術公司SpaceX大約64次 (Elon Musk於2002年賣出Paypal後只投入1億美元成立SpaceX)，十年前肯咁樣用呢筆錢，香港o既太空技術公司數目其實可以多過譚仔。

可以收購人工智能公司DeepMind大約10次 (DeepMind於2014年作價6.6億美元被Google收購)，如果有10間DeepMind，唔好話AlphaGo，香港連Terminator都造到。

可以建造1座大型強子對撞機（歐洲核子研究組織花超過十年時間以45-50億美元成本建造)，可能你會話500億整部強子對撞機嚟搵上帝粒子無乜經濟效益，但驚人o既係建造大型強子對撞機係需要掘一條26公里長o既隧道，而26公里就剛好同廣深港高鐵香港段係一模一樣咁長。即係我地用900億嚟起高鐵，人地只係用500億就整到類似o既嘢，仲順便搵埋上帝粒子。

by 向西村上春樹