餐廳自讓平台-香港主要呢幾間

好多人都想做生意，因此近年網上越來越多生意頂讓平台、餐廳自讓平台等等。其實類似既平台，最早期係iboss, 但因為佢地網上評價差，抽佣深，引致越來越多人妨效，越來越多平台出現，本文集中講飲食業，因為每年都有大量新既餐廳開業，亦有大量餐廳結業。

商機代理有限公司(bbasia) – 我認為最差既公司，比我感覺非常業餘。話說我曾經問過一間餐廳頂讓，約出來傾。見面係一個有60歲既大嬸，生意concept好弱，講野答非所問，人肉錄音機，比左一個根本唔值價既盤我，可見食水之深。網上寫50萬頂手費，點知原來只係一半股權。餐廳裝修落後，又冇manager, 要自己落手落腳做埋，一個月利潤先得3-4萬，真係食得屎。佢仲堅持值呢個價，會有人教埋你點做。佢都做得唔成功，有乜資格教人？感覺是搵水魚，將垃圾高價賣出。一間餐廳既利潤，應該減去自己全職既薪金。在我眼中佢係冇利潤，仲要貼錢打工，點解會覺得自己值100萬？我打份好D既工都有3-4萬啦。

Bossidea – 個網站好好多，比起商機代理似番個樣，出黎見你果位起碼後生D，似番個專業從業員。不過我覺得，service唔夠，抽佣亦比較深，而且都有答非所問，人肉錄音機既問題。如果你只係比個盤我，其他support欠奉，我點解要搵你，比你咁高佣？我就咁搵地產代理都得啦，只係你多D生意盤，個網站整得靚D

建富生意顧問 – 我比較滿意既一間，佢個網站冇bossidea咁靚，但係佢係生意顧問，比到好多實用既意見同埋support你，佢值番個佣，如果是生意新手，或之前生意失敗既人，應該搵佢。你會煩少好多野，幫你慳到錢同時間。另外你搵佢地放盤，亦放得比較快，因為佢唔會為左賺高佣開D唔合理既價錢釣水魚，浪費時間。就算我做過生意，我都搵佢，因為真係煩少好多野，會慳到錢同時間。

大食職(japjapjobs) – 飲食業為主，由食肆頂讓到請人都有，個網站幾靚，仲要連apps都有埋。飲食業來講要搵既野都齊備，但一分錢一分貨，服務費都唔少。佢唔會比乜野生意意見你，但你可以係呢度搵齊你需要既野，適合本身做開飲食生意既人搵盤同請人。但如果係生意新手，就唔太適合。