眼睛是靈魂之窗,有眼袋不但不好看,比人感覺老; 而且在職場上也會大減印象分,給人不精神的感覺,今天我們比較各種去眼袋方法,列明價錢,希望幫到有心解決眼袋問題既你!現時去眼袋主要係方法係手術、眼袋槍(膠原槍)、中醫、按摩。價錢由$2000-$80000HKD不等。

眼袋的種類

要去眼袋,首先要知道你是那一種眼袋,不然用錯了方法,便沒有效果。眼袋有分先天型和後天型。先天型是遺傳,主要是臉型結構問顯令到容易出現眼袋。

不論先天還是後天,眼袋主要是二大種類-脂肪型鬆弛型。但更多人是第三種類-混合型

脂肪型眼袋

眼底的脂肪過多,有些人天生大眼袋是因為基因遺傳,天生眼袋中的脂肪就比較多。其實眼輪肌前的脂肪具有保護眼球的作用,但一旦肌膚老化、眼輪肌肉變弱鬆弛了脂肪就會下垂形成大眼袋。

鬆弛型眼袋

當眼輪肌肉變弱及眼底皮膚鬆弛同時發生,就兜不住眼底下本來存在的脂肪,因此會令大眼袋出現或大眼袋愈來愈大及下墜。

所有人的眼底都有脂肪,沒有脂肪便會形成凹陷。而大多數人的眼袋都是混合型,鬆弛加上脂肪增多, 再加上血液遁環唔好, 令眼底脂肪造成黑色素沉澱, 令眼袋更明顯。

去除眼袋的方法

眼袋槍去眼袋

近年聽得最多, 其實即是膠原槍. 做之前佢比好多圖片你睇做完既效果, 但做完之後好多人都覺得冇效. 原因是佢主要針對鬆弛, 增加膠原預防鬆弛為主, 對已成形眼底脂肪零作用. 市面上既價錢一般要$600-$1500一次. 主要儀器有TherMatrix, btl exilis ultra 360, vivace. 3部機性能相約. 那些$300試做通常較低度數, 而且做一次根本冇用, 最少做10次以上才能改善鬆馳狀況, 但如果你是純脂肪型, 睇到既效果近乎零.

手術去眼袋

傳統而有效既方法, 手術後一星期便可拆紗布見到效果. 已經冇人就咁開刀, 通常係微創幾個小孔再抽脂. 呢D野一定要搵日本醫生做. 因為日本無論儀器、技術同經驗都大幅領先, 手術後維持到最少5年. 但要注意只針對脂肪型眼袋. 如果你本身仲有鬆弛問題, 抽走完脂肪仍然是鬆弛. 如果醫生抽既脂肪多左, 會造成眼窩凹陷, 更難看! 即使是用微創方式, 也有手術風險, 最常見的是眼瞼外翻. 為了增加手術成功率, 最好去日本整, 即使是日本, 也經常發生抽脂過多導致眼窩凹陷的情況. 香港價錢一般要2萬-4萬, 而日本一般要5萬-8萬.

眼瞼外翻
眼瞼外翻, 是常見的眼袋手術失敗症狀, 無法復原.

強效精華導入去眼袋

當你細心留意你的眼袋, 會發現有黑色素在眼底脂肪下積聚, 令你的眼袋更顯眼. 因此有些眼袋, 是可以靠遮瑕膏隱藏. 但是你會越搽越厚粉, 不自然, 而且令血液循環更差, 結果是惡化. 有一些強效的眼部精華能改善問題, 價錢$500-$3000不等, 但不是人人受得了, 美國皮膚科醫生Dr. Hadley King指, ,有1類眼霜易引起眼瞼邊緣發炎。不同的包裝設計更會影響衛生及護膚效果。皮膚科醫生Dr.Susan C. Taylor再三叮囑護膚不能心急,「非常重要的是我們要給予時間讓產品發揮功效。除了補濕產品使用後可能即時看到細紋有改善,大部份產品都需要6星期至3個月時間,才能看到效果。」而更進一步的, 是現時一些美容院會用儀器導入, 大大加快效果. 每次價錢約$1000-$2000一次, 通常3次已經見到明顯效果

你會見到很多時眼袋脂肪瘀黑了一達, 能將這黑色素打散已能令眼袋不顯眼. 但這位置因為太近眼晴而無法做激光, 只能用強效精華導入解決.

在香港去除眼袋的中心及價錢

美詩沁去眼袋 – 來自國內的集團, 佢會話最新技術, 無需開刀. 但上到去係一部舊式膠原槍, $8000/4次, 價錢絕對係貴. 然後當你做完冇效果, 佢都係叫你比$24000 做微創手術(OSC 去眼袋). 我自己做過, 手術唔洗20分鐘, 做完佢立即比我睇效果, 我當時好滿意, 但一星期後拆紗布, 效果是零. 當時見到效果只係佢地用強燈光打白晒, 爆晒光既假像, 同時可能抽既脂肪過少, 或我個case唔適合抽, 令到冇效.

Perfect Medical/New Beauty/PerfectMan – 同一集團. facebook大量廣告$1888/10次無效包退. 上到去就話我個case唔適合, 變左5萬做膠原槍+hifu+magic eye. 我完全見唔到有改善, 然後每次上去都hard sell我買新野、重組package, 最後我剩下一大堆package過晒期. 跌完錢又做唔到應有既效果.

健麗去眼袋 – $1688/10次去眼袋, 唔識野既真係會比佢呃左上去, 上到去就會SELL你微創手術去眼袋. 如果做手術真係唔洗搵佢地. 極有可能同美詩沁係同一集團, 因為我在健麗遇到既女sales, 居然後來在美詩沁見番.

Dr reborn – $9888/6次眼袋槍, 用最新既Exilis Ultra 360膠原槍, 價錢比起上兩間算合理, 但我做唔出效果, 做完6次好似一樣咁. 因為我眼袋主要是脂肪型, 只有少量鬆馳.

Bora Beauty – $8880/6次 皇牌膠原鑽亮眼療程, 佢係精華導入為主, 再加膠原槍. 好神奇地, 第一次已經見到明顯效果,個眼袋好左7成. 但唔夠一星期就打回原型, 當時我$980試做. 之後買左6次, 每兩星期做一次, 6次之後係明顯改善. 改善既主因係緊致和黑色素消失, 脂肪其實都仲係摸到. 然後過兩三個月又慢慢出番黎. 所以一買最好都係買10次以上, 會平好多, 當你一年做足10次去keep, 就要1萬蚊. 同埋如果太過鬆馳(40歲以上)就要做比較多.

養和醫院 – $40000/1次手術. 佢主要係根治脂肪型眼袋, 手術前會叫你簽名, 自行承擔風險. 我睇完同意書, 最後都係決定去日本整, 因為眼窩凹陷同眼瞼外翻我真係輸唔起, 同時我有一個朋友因為眼袋手術而眼瞼外翻, 只係廿幾歲, 立即樣衰左十倍.

最後, 日本整完後, 成個眼袋平左, 以為一勞永逸. 但都係有細紋、鬆馳等問題, 於是再去bora beauty 做皇牌膠原鑽亮眼療程, 但就冇再3星期做一次, 而係兩個月做一次, 暫時黎講都keep到. 如果閣下眼袋未到好嚴重, 大家可以去bora beauty試做, 每個月都係$1000-$2000, 如果是比較後期、嚴重既脂肪型, 我推薦大家儲8萬蚊去日本整.

去眼代價錢
$1XXX/10次, 告訴大家是不可能的, 上到去一定是hard sell收場. 真正有效的去眼袋療程, 是絕不可能千幾元或幾千元便能解決.
Facebook Comments Box

發佈回覆

你的電郵地址並不會被公開。 必要欄位標記為 *