對付頑固暗瘡印，點處理最快復原好？

常見暗瘡印成因？

當暗瘡發炎時，皮膚會增加一啲血管於炎症嘅位置，令暗瘡凋謝，繼而炎症過後，呢啲紅血管會慢慢消失。所謂暗瘡印，又稱炎症後色素沉澱，屬於色素問題嘅一種，因為皮膚受傷害（炎症暗瘡），造成黑色素細胞出現保護皮膚，但事後黑色素沒有被分解而積聚於患處位置變成暗瘡印。

常見暗瘡印類型？

黑色暗瘡印：
暗瘡發炎後造成嘅色素沉澱，於發過炎嘅暗瘡位置留下暗暗沉沉嘅顏色。不過呢啲黑色素會隨時間而慢慢自行消失，屬於暫時性嘅假性疤痕。

紅色暗瘡印：
皮膚細胞發炎後引起嘅血管擴張，因為暗瘡凋謝後血管唔會立即收縮，所以就形成左一個平平紅紅嘅暫停性紅斑。呢啲紅斑會係皮膚溫度上升或做運動時更紅，不過會隨時間慢慢散退。

凹洞形疤痕：
當暗瘡發炎得太嚴重，甚至傷及真皮嘅膠原蛋白，就有可能因為真皮嘅塌陷而留下凹洞。好多人都不自覺地習慣用手去擠暗瘡，如果擠得太大力或者擠唔乾淨，非常容易增加化膿感染嘅機會，留下唔會自動消失嘅疤痕。

增生性凸疤：
與凹洞形疤痕相反，呢種增生性凸疤係一種過度肥厚嘅疤痕，於生過暗瘡嘅地方留低明顯嘅紅色突起，外觀又紅又腫，更會因為搔抓或外力嘅刺激而慢慢長大。

多發生於一啲體質特殊嘅人群身上，呢類人群由於皮膚真皮層嘅纖維母細胞太過活躍，係傷口癒合嘅過程中過度反應，結果真皮因發炎受傷後唔單止唔係凹下去，反而係凸起，變成肥厚嘅皮膚組織增生。

快速去印療程推薦：

１. 果酸煥膚療程 -> 適合較為初期色素沉澱，少於３個月嘅色素或初期嘅暗瘡印，因為呢個階段嘅色素只停留於皮膚表層，所以較容易減退。

２. 激光祛印療程 -> 適合炎症過後較為長時間已變為啡色或紅色嘅印，一般呢種嘅色素已沉澱到真皮層內，令色素較難分解，所以需要利用激光到達皮膚真皮層將色素擊碎。

３. 點陣激光療程 -> 一種點陣式能量輸出嘅雷射治療方式，適合修復凸出或凹陷嘅皮膚。將雷射光束分成細微小點嘅點狀輸出，結合多次治療，降低皮膚係每次治療時受到嘅破壞。與大面積破壞嘅傳統雷射相較，是相當受歡迎嘅處理暗瘡印同凹凸洞方法。呢種分段式治療概念，由於每個微光束嘅直徑都很小，通常大約介於100-200微米(micrometer)之間，因此可以打到深層真皮層，在一般情況下唔會造成無法修復嘅凹洞。

#參考網址：https://bora.hk/fractional-co2-laser%e5%84%aa%e6%83%a0%e8%a9%a6%e5%81%9a-1688%e5%85%a8%e8%87%89/

小編都係爛過臉嘅過來人，用過好多唔同嘅方法去處理自己嘅暗瘡同暗瘡印問題都係唔work，發現去搵番專業美容嘅人搞係最穩陣! 而且暗瘡肌/敏感肌要變番穩定，係要比一定耐性同時間去修復番肌膚屏障，唔好諗住一兩次療程就變到女神無瑕肌咁完美，好嘅肌膚就好似種花咁，一點一滴打好基礎（正確卸妝、洗面、護膚程序），漂亮嘅花（肌膚）逐漸就會綻放耀人。

致努力護膚的所有人