全香港人都知,当年打大鳄嘅系曾荫权丶许仕仁丶任志刚,连陈德霖都有份执行,最後成功击退炒家,香港政府将所持有嘅蓝筹股全部摆落盈富基金上市,完全唔关中国政府事。

究竟一个政权要无耻到什麽程度,先会公然地将一个谎言重复千万次,令700万人都知道嘅真相变成小数声音?

香港多年来为中国贡献,无论系咩天灾人祸,香港人总系第一时间巨额捐献,捐款数永远系世界第一;

中国企业要国际化,都要设立窗口公司,嚟港交所筹集资金走向国际,成为当年嘅红筹公司;

四大国有银行烂数太多,资本充足比CAR达唔到BASEL标准,亦要靠港交所向世界集资,否则一早破咗产,更加唔会成为世界最大市值嘅银行。

还有更多更多例子,根本数不尽。

香港人从来都不会说「要不是香港,中國早已完蛋了」,但过咗咁多年,经过一个无耻政权嘅洗脑,而家呢句说话俾人调返嚟讲,香港人反过来俾人话「忘恩负义」。甚至搬埋东江水出嚟讲,每次唔够人讲,就会话香港靠中国供水供电供食,根本呢啲垃圾论点早就反驳到口臭,但700万对比14亿实在太少,谎言讲太多次,就会成真。

俄罗斯总理梅德韦杰夫2011年嚟过香港,当时佢讲过一句说话∶俄罗斯冇一个类似香港嘅城市做中间人角色,所以1990年之後,中国同俄罗斯嘅发展步伐有好大分别。

一个政权,点解咁乞人憎,真系有原因。

中央出手亞州金融危機香港

原文作者: 歐陽一心

中国在自己国家是像图中教科书这样告诉自己国民,所以现在的中国人真的以为自己「救」过香港,说什麽「港狗不懂感恩」乃出自自慰式洗脑,完全明白。
但当它们在传媒丶书店丶教科图书等下手,你的子女也相信中国的谎言,就如同香港保卫战英联邦军人及本地港裔义勇军的历史被改写也没人注视,事实便不会再有人知道,港人後代便会成为被中国政府牵着鼻走的傀儡「小红兵」。

by: Ladykile

 

Facebook Comments Box

發佈留言

發佈留言必須填寫的電子郵件地址不會公開。 必填欄位標示為 *